 7 лютага 2012 года адбылася вельмі важная падзея, якая датычыцца руха “Equipes Notre – Dame”. Кіраўніком руха на Беларусі прызначаны ксёндз Андрэй Сіповіч. Аб гэтай падзеі сведчыць Дэкрэт арцыбіскупа Тадэвуша Кандрусевіча.
Падчас сустрэчы арцыбіскупам Тадэвушам Кандрусевічам было ўдзелена благаслаўленне кс. Андрэю і адказнай пары руха.
Ад усяго сэрца віншуем ксяндза Андрэя Сіповіча з новым прызначэннем і жадаем Яму Дароў Святога Духа, радасці на кожны дзень жыцця, Апекі Маці Божай, Божага благаслення ў даручанай справе.
 Разважалі над пытаннямі жыцця
29 студзеня 2012 года адбылася сустрэча экіпы горада Салігорска. На сустрэчы разважалі над многімі пытаннямі нашага жыцця, таксама над Словам Божым, маліліся ў інтэнцыях, выказвалі свае думкі па тэме сустрэчы. Шмат пытанняў было зададзена ксяндзу Андрэю. На кожнае пытанне былі дадзены змястоўныя адказы. Кожнае сужэнства задумалася, як добра, што маюць магчымасць усхваляць Добрага Бога, знаходзіць ў Ім суцяшэнне і падтрымку. Разгледзілі таксама пытанні аб выканнанні сваіх абавязкаў: штодзённай супольнай малітвы, чытання Евангелія, заданння “Прысядзем разам”. Шмат увагі было ўдзелена пытанню рэкалекцый і прыняцця Карты руха.
1) Усім сужэнствам руху прымаць удзел у рэкалекцыях, якія будуць арганізаваны летам і восенню дзеля аднаўлення сваёй асабістай сувязі з Богам, а праз гэта умацаванне адносінаў паміж мужам і жонкай, дзецьмі, каб мець сям’ю, напоўненаю Божым Благаслаўленнем
( глядзіце сайт руху www.end.of.by).
2) Устанавіць мінімальны кошт за двудзённые рэкалекцыі ў памеры эківалентным 20 еўра на пару.
Няхай любоў жыве ў нас!
16 студзеня, у панядзелак, адбылася сустрэча Экіпы сектара. На сустрэчу быў запршаны кс. Андрэй Сіповіч, пробашч парафіі святога Юзафа ў Гарадзеі. Пары Экіпы Сектара звярнуліся да святара з просьбай стаць духоўным дарадцам Экіпы Сектара. На сустрэчы вырашаліся многія пытанні развіцця руху. Спадзяёмся, што праведзены Дзень Сектара прынясе плён у развіцці нашых экіп.
Ужо традыцыйна, кожную другую нядзелю месяца, ў парафіі Божага Цела ў Нясвіжы адбываюцца Святыя Імшы за ўдзельнікаў руха “Equipes Notre-Dame”, за сем’і і за святароў.
Так і 8 студзеня 2012 года не было выключэннем. Святая Імша была ўрачыстая з нагоды свята – Хроста Пана. Упрыгожаны, велічны касцёл для нас, сямей, здаваўся яшчэ прыгажэйшым і раднейшым. Нам было радасна, што мы ўсе разам сабраліся, каб супольна сустрэцца з Езусам. Мы ўсе добра ведаем, як патрэбна для нас гэта малітва, і якую яна мае сілу ў нашым жыцці.
Мы заўсёды з Вамі!
30 снежня, у Дзень Святой Сям’і, удзельнікі руху “EQUIPES NOTRE – DAME” сабраліся ў касцёле Святой Троіцы ў г. Клецку на Свяую Імшу.
Мы ўдзячны Добраму Богу за гэтую ўрачыстую святочную Імшу, за падтрымку Святой Сям’і, за рух. Падчас Святой Імшы ўсхвалялі Святую Сям’ю, маліліся за добрага айца, самааданага духоўнага дарадцу – шаноўнага ксяндза Эрвіна.
Але ўсім было сумна ад таго, што гэтая Імша была развітальная з паважаным нашым ксяндзом Эрвінам. За восем гадоў працы ў руху гэты святар быў для нас усіх прыкладам веры, самаахвярнасці, шчырасці, тактычнасці і пунктуальнасці.
Як бы не склалася далейшае нашае жыццё, мы заўсёды з Вамі, ксёндз Эрвін, ў думках і малітве!
|
|
|
Старонка 47 з 53 |
