13 сакавіка ў цэнтры CARITAS п. Ляскоўка, святары ордэну Місіянераў Святой Cям’і (MSF) правялі аднадзённыя рэкалекцыі – “дыялог сужонкаў” . Рэкалекцыі павінны былі пачынацца ў пятніцу, але нажаль перанос працоўнага дня на 12 сакавіка не дазволіў збыцца планам.

Але не гледзячы на ўсе перашкоды, раніцаю у нядзелю ў цэнтры CARITAS сабралася 17 пар, былі таксама госці з Польшчы кс. Адам MSF і пані Анна.

Падрабязней...

"Ідзі за Мною"- гэтым заклікам Ісус Хрыстос звяртаецца да кожнага з нас, да кожнай сям'і, запрашаючы адкрыць нашы сэрцы для Яго любові, сведчыць пра Яго. "Бо дзе двое ці трое сабраны ў імі Маё, там Я сярод іх"( Мц 18, 20 ). Заснавальнік руху айцец Кафарэль пісаў: "Рух "Equipes Notre - Dame"- рух актыўных людзей.

Падрабязней...

Мэта руху cямейнай духоўнасці "Equipes Notre - Dame" - дапамога сужэнствам у адкрыцці багаццяў Сакраманту шлюбу, умацаванне любові да Бога і да сваіх бліжніх. Праз свой асабісты прыклад удзельнікі гэтага руху жадаюць быць сведкамі хрысціянскага шлюбу. У наш час гэты міжнародны рух існуе ў 78 краінах свету. У нас у Беларусі рух дзейнічае сёмы год. Рух існуе ў Мінскай, Брэсцкай і Гродненскай абласцях.

6 лютага ў парафіі Перамянення Пана ў п. Энэргетык з нагоды дзесяцігодзя шлюбу Анны і Дзмітрыя Варвашэвіч  адбылося сапраўднае свята.

Дзесяць гадоў... Хтосці скажа: - Усяго дзесяць і ўжо святкуюць? Так святкуюць! Бо гэта вельмі цудоўныя 10 гадоў. І святкаванне перш за ўсё гэта найвялікшая падзяка Богу,  Богу Які заўсёды прысутнічае ў іх жыцці.  

Падрабязней...

Падмуркам, на якім будуецца моцая сям'я, з'яўляецца Бог. Бог, які ёсць у сэрцах кожнага сужонка. Сумесная малітва, чытанне Бібліі, сумесная падзяка Богу ў сям'і з'яўляецца выразам веры, кахання паміж сужонкамі, любові да блізкіх.

І дарослыя, і дзеці чакаюць Свята Нараджэння Збаўцы. Вельмі прыемна, што ўсе ўдзельнікі руху “EQUIPES NOTRE – DAME” кожны год традыцыйна збіраюцца разам, каб перажываць вялікую радасць – Божае Нараджэнне.

18 снежня 2010 г. у парафіі Узвышэння Святога Крыжа ва Уздзе адбылася Вігілійная сустрэча ўдзельнікаў руху “EQUIPES NOTRE – DAME”. У сустрэчы ўдзельнічалі сем’і з розных куткоў Беларусі: Ганцавіч, Баранавіч, Энергетыка, Мінска, Лагойска, Нясвіжа, Клецка, Гарадзеі, а таксама святары і сёстры законныя, адказныя за духоўнае кіраўніцтва руху. Вельмі прыемна, што да ўдзельнікаў руху далучылася многа сем’яў з Узды.

25 снежня на свята Божага Нараджэння, наша суполка пабыла калядоўшчыкамі. А ўсё пачалося з таго, што наш духоўны дарадчык айцец Дзяніс прапанаваў нам паспрабаваць адрадзіць даўнія традыцыі беларусаў – пайсці калядою. Мы з ахвотаю адгукнуліся на прапанову. Быў распрацаваны сцэнарый, падрыхтавалі адзенне, знайшлі гарманіста і пайшлі…

Падрабязней...