Мэта руху cямейнай духоўнасці "Equipes Notre - Dame" - дапамога сужэнствам у адкрыцці багаццяў Сакраманту шлюбу, умацаванне любові да Бога і да сваіх бліжніх. Праз свой асабісты прыклад удзельнікі гэтага руху жадаюць быць сведкамі хрысціянскага шлюбу. У наш час гэты міжнародны рух існуе ў 78 краінах свету. У нас у Беларусі рух дзейнічае сёмы год. Рух існуе ў Мінскай, Брэсцкай і Гродненскай абласцях.

Кожнаму з нас неабходна ўсведамляць, што сям'я з'яўляецца МАЛЕНЬКІМ КАСЦЁЛАМ. Хрыстос у ім прысутнічае заўсёды. Ён нас запрашае і збірае вакол сябе. Ён, літасцівы і чулы, адорвае нас каштоўным падарункам - запрашае ў рух сямейнай духоўнасці "Equipes Notre - Dame", дзе мы можам паглыбіць свае рэлігійныя веды, дзе будзем вучыцца будаваць сваё жыццё паводле ЗАПАВЕДЗЯЎ Езуса Хрыста, а тым самым станавіцца бліжэй да Яго.

Актыўнымі ў гэтым кірунку з'яўляюцца сямейныя пары на Гродненшчыне. Хвала Пану за такія дужыя ў веры сям'і і за ксяндзоў, якія з імі працуюць.