 8 - 10 лістапада ў польскім горадзе Здуньска Воля адбылася сесія для адказных пар нашага руху. Сектар Беларускі прадстаўлялі: ксёндз Андрэй Сіповіч, Мікалай Меляшкевіч (Таццяна, на жаль, не змагла паехаць), Анна і Дзмітрый Варвашэвічы.
На сесіі адбылося спатканне Экіпы Рэгіёну, дзе вырашаліся розныя пытанні жыцця руху. Былі прадстаўлены прэзентацыі існавання і штодзеннага жыцця руху ад кожнага Сектара. Праводзіліся шматлікія канферэнцыі, адбывалася праца ў групах і, вядома, падмуркам сесіі была штодзенная Эўхарыстыя.
 Падчас сустрэчы ў Новай Мышы, якая адбылася ў нядзелю, 10 лістапада, разважанне сямейны пар было накіравана на прысутнасць Хрыстуса ў нашых сэрцах, злучаных важным сакрамантам - Сакрамантам шлюбу. Езус вядзе нас за сабой, Ён выходзіць разам з намі на сямейны шлях, каб вылячыць нас ад эгаізму, духоўна нас падтрымаць, насыціць сваімі ласкамі і любоўю. Менавіта Ён дае сілы падымацца пасля няўдач, прабачаць адзін аднаму, што вельмі важна ў сямейным жыцці.
 17 лістапада ў 14.00 у Мінску ў касцеле на Кальварыйскіх могілках адбудзецца Святая Імша з прэзентацыяй нашагу руху. Запрашаем усіх жадаючых сабрацца разам, памаліцца і засведчыць пра наш рух, чым больш нас збярэцца тым больш яскрава мы пакажам, што наш рух жыве і сапраўды з'яўляецца адзіным жывым арганізмам, асноўнай мэтай якога з'яўляецц імкненне да святасці і распаўсюджванне Евангелля. Ксендз Андрэй вельмі сардэчна забрашае і спадзяецца, што нас сабярэцца як мага больш. Да сустрэчы на Кальварыі.
 Інтэнцыі на Марыйны сямейны вяночак 03.11.2013 года
1. Аб плённым правядзенні сесіі адказных пар і духоўных дарадцаў у Польшчы, Дня суплення на Кальварыі, а таксама рэкалекцый у Баранавічах.
2. Аб благаслаўленні для ксяндза Андрэя, Мікалая і Таццяны, Ганны і Дзмітрыя падчас дарогі ў Польшчу.
3. Аб Божым благаслаўленні для ксяндза Дзяніса, які адзначаў Дзень нараджэння.
4. Аб Божым благаслаўленні, здароўі, апецы Маці Божай для Наталлі.
5. Аб Божым благаслаўленні для экіп ў Нясвіжы, Новай Мышы, Салігорску, Мінску, Лагойску, якія знаходзяцца ў пілатаванні.
Паважаныя ўдзельнікі руху, звятаемся асаблівым чынам да адказных пар экіп. На сустрэчы адказных пар у верасні, мы прасілі Вас даслаць (емэйлам, поштай, патэлефанаваць) інфармацыю пра экіпы (удзельнікі, іх даты нараджэння тэлефоны), а таксама фотаздымкі з сустрэч, каб падрыхтаваць прэзентацыю нашага сектара на сессію адказных пар у Польшчы. Выезд у Польшчу ўжо на тым тыдні, а матэрыялы нам даслалі толькі сям'я Камлач (экіпа з Нясвіжу) і сям'я Зубік (экіпа з Баранавіч). Калі ласка мы Вас вельмі просім да канца гэтага тыдня даслаць нам неабходныя матэрыялы. Дарэчы інфармацыя пра правядзенне сустрэч і на калі будзе назначана наступная нам таксама не паступала. Спадзяемся на Вашу адказнасць. Дзякуй.
Таццяна і Мікалай Меляшкевічы.
13 кастрычніка 2013 года адбылася першая сустрэча з новымі сужэнствамі Нясвіжа. Сустрэча адбылася ў доме сясцёр.
На сустрэчы разважалі над многімі пытаннямі жыцця, таксама над Словам Божым, маліліся ў інтэнцыі развіцця руху “Equipes Notre – Dame”. Пад час сустрэчы прысутныя мелі магчымасць знайсці адказы на хвалюючыя пытанні. А разабрацца ў гэтых пытаннях дапамог ксёндз Пётр Шарко.
Сужэнствы выказвалі свае думкі наконт паводзін хрысціяніна. Успомнілі таксама пытанні аб выканнанні абавязкаў: штодзённай супольнай малітвы, чытання Евангелія. Запланавалі на наступнай сустрэчы ў лістападзе (маем надзею, што больш сямей адгукнуцца на наша запрашэнне) больш падрабязна разглядзець умовы эфектыўнага выканання задання “Прысядзем разам”.
 12 кастрычніка ў Негарэлым адбылася сустрэча Экіпы Сектара нашага руху. Экіпа сабралася ў поўным складзе на чале з духоўным дарадчыкам руху ксяндзом Андрэям.
На сустрэчы вырашаліся асноўныя моманты жыцця руху: рэкалекцыі, аплатковае спатканне, умацаванне сувязі паміж суполкамі і іншыя.
Так рэкалекцый у 2014 годзе будзе трое (вясна, лета, восень). Летам плануюцца рэкалекцыі на якія бацькі могуць узяць з сабою дзяцей, пад час канферэнцый і іншых фармацыйных дзеянняў за дзеткамі будуць прыглядаць аніматары.
Аплатковае калядная сустрэча сем'яў END назначана на 4 студзеня 2014 года, якая адбудзецца ў Лагойску. Зараней усіх сардэчна запрашаем разам павітаць нованароджанага Езуса.
 "Любоў моцная і ачышчаная"
6 кастрычніка 2013 года адбылася сустрэча сем’яў у Новай Мышы.
На сустрэчы разважалі над многімі пытаннямі нашага жыцця, таксама над Словам Божым, маліліся ў інтэнцыях. Падчас сустрэчы прысутныя мелі магчымасць знайсці адказы на свае пытанні. Цікавымі і шчырымі былі сведчанні сямей. “Любоў, якая вытрымала перашкоды, моцная і ачышчаная”, - зазначылі прысутныя.
Сапраўды, жыццё змяняецца ў лепшы бок, калі адчыніць сэрцы для Езуса Хрыста. Змястоўнымі былі выказванні ксяндза Паўла Врубеля наконт хрысціянскага жыцця, вырашэння сямейных праблем.
|
