8 - 10 лістапада ў польскім горадзе Здуньска Воля адбылася сесія для адказных пар нашага руху. Сектар Беларускі прадстаўлялі: ксёндз Андрэй Сіповіч, Мікалай Меляшкевіч (Таццяна, на жаль, не змагла паехаць), Анна і Дзмітрый Варвашэвічы.

На сесіі адбылося спатканне Экіпы Рэгіёну, дзе вырашаліся розныя пытанні жыцця руху. Былі прадстаўлены прэзентацыі існавання і штодзеннага жыцця руху ад кожнага Сектара. Праводзіліся шматлікія канферэнцыі, адбывалася праца ў групах і, вядома, падмуркам сесіі была штодзенная Эўхарыстыя.

Былі акрэслены асноўныя накірункі працы ў Сектарах, асноўны з іх гэта штодзённае, што раз глыбейшае адкрыццё Бога ў сваіх сэрцах і дапамога адкрываць Яго іншым.