Без любові няма нічога!

21 лютага адбылася чарговая сустрэча новай экіпы ў Нясвіжы. Прысутнічалі 4 сям’і і ксёндз Андрэй Калядка, духоўны дарадца экіпы. На сустрэчы было аб чым паразмаўляць: пілігрымка ў Будслаў, летнія рэкалекцыі, Адарацыя Найсвяцейшага Сакрамэнту для сямей руха. Разважалі над Словам Божым, маліліся і дзякавалі Добраму Богу за магчымасць сустракацца, маліцца, звяртацца да Маці Божай, апякункі нашага руха, з сваімі просьбамі.
На сустрэчы было закранута пытанне любові да свайго бліжняга. Каб любоў узрастала, неабходна яе аддаваць. “Хто аддае, той атрымлівае; хто прабачае, таму прабачаецца…” А без любові да бліжняга нічога немагчыма!

!!!Ксёндз Андрэй запрашае на Адарацыю Найсвяцейшага Сакрамэнту у суботу вечарам у 19.00. Першая Адарацыя для сямей адбудзецца 28 лютага. Чакаем усіх у Нясвіжскім касцеле!!!

Андрэй и Людміла Шкрабы