25 – 27 лістапада, у Баранавічах, прайшлі чарговыя духоўныя практыкаванні “Ціхі ды пакорны сэрцам”. З’ехаліся сужэнствы з Гродзенскай, Брэстскай і Мінскіх вобласцей. Першы раз на нашых рэкалекцыях былі тры святары: кс.Андрэй Сіповіч, кс.Эрвін Вячорак і кс. Валянцін Ляўковіч. Рэкалекцыі былі вельмі насычаныя: праводзіліся цудоўныя канферэнцыі, была магчымасць ушанаваць Пана ў Найсвяцейшым Сакраманце, прыняць удзел у сакрамантах споведзі і Эўхарыстыі, пабыць у цішы са сваім сужонкам.
Пад час рэкалекцыі мела месца цудоўная падзея. Адна з пар, Ярмалюк Марыя і Дзмітрый прынялі Карту руху, і сталі паўнапраўнымі яго ўдзельнікамі.
Увогуле рэкалекцыіі насілі вельмі сяброўскі характар. Калі пары раз'язджаліся, было крыху сумна развітвацца з братамі і сёстрамі ў Хрысце Пану. Але як, падкрэслілі амаль ўсе удзельнікі рэкалекцый, галоўнае, што духоўныя аккумулятары падзараджаныя, і едзем да хат поўнымі сіл і жадання жыць дзеля хвалы Пана, і на шчасце сваёй сям'і.
