Любыя ў Хрысце ўдзельнікі руху END, напэўна многія з Вас адправяцца ў пілігрымку да нашай найсвяцейшай Маці ў Будслаў. Нажаль нам не ўдалося зрабіць гэту пілігрымку агульнай, можа на той год... Але ўсіх, хто ў гэтыя дні паехаў пакланіцца нашай Маці запрашаем даслаць фотаздымкі і магчыма кароткі каментар пра Вашу пілігрымку. Матэрыялы чакаем па адрасу admin@end.of.by альбо mnk2009@mail.ru. Будзем разам з нашай Маці!
Удзячныя добраму Богу і Найсвяцейшай Панне Марыі за пілігрымку, якая адбылася 1-2 ліпеня 2011 г. у Будслаў.
Уразіла і радавала сэрца вялікая колькасць людзей, якія прыбылі з розных куткоў Беларусі, з розных краін свету. Ва усіх нас была адна мэта: падзякаваць Маці Божай Будслаўскай за Яе бязмежную апеку, за дзяцей, бацькоў, за сям’ю, за ўдзельнікаў руху “EQUIPES NOTRE – DAME”, за ўсіх святароў, духоўных дарадцаў экіп, законных сясцёр.
Экіпы руху END знаходзяцца пад апекай Марыі, якая з’яўляецца для нас прыкладам і заступніцай. Яна паказвае нам прыклад выслухвання Слова Божага. Мы бачым Яе ў Звеставанні прымаючай пасланніка Бога. Яна поўнасцю аддаеца волі Пана. Марыя – наш прыклад.
Падчас пілігрымкі ў нас хапіла часу, каб папрасіць у Маці Божай Будслаўскай прабачэнне і памаліцца ў асабістых інтэнцыях, пабыць у споведзі, паўдзельнічаць у Святых Імшах, працэсіях, атрымаць благаслаўленне ад усіх біскупаў Беларусі.
Прыемна было бачыць святароў з экіпаў руху, якія ўдзельнічалі ў набажэнствах. З вялікай радасцю мы сустракаліся з сем’ямі нашага руху: сем’ямі Лагойска, Нясвіжа, Гарадзеі, Негарэлага, Геранёнаў.
Пілігрымка для ўсіх нас – вялікая падтрымка ў жыцці. Дзеці плануюць ужо пілігрымку ў Будслаў на наступны год. Маем надзею, што так і будзе. Няхай і далей Маці Божая падтрымлівае ўсіх нас!
Андрэй и Людміла Шкраба
Вярнуліся з пілігрымкі з ўзнёслым настроем і поўныя веры ў нястомнаю дапамогу Маці Бужай Будслаўскай. Хочацца прамовіць словамі святога Бернарда Клервосекі: " Калі Марыя будзе прабываць з табою - ты абавязкова дасягнеш мэты".
Анна і Дзмітрый Варвашэвіч
