22 сакавіка ў Мінску, у касцеле на кальварыйскіх могілках прайшла сустрэча адказных пар і духоўных дарадчыкаў нашага руху. Сустрэча распачалася Святой Імшой, а пасля ўзмоцненыя Хлебам Эўхарыстычным, удзельнікі спаткання перайшлі да вырашэння спраў руху.
На спатканні разгледжваліся наступныя пытанні:
1. Рэкалекцыі. Пастанавілі. Усе пары да канца сакавіка вырашаць калі будуць браць удзел у рэкалекцыях (1-3 жніўня, альбо 14-16 лістапада) і запішуцца на адпаведны час у пары адказнай за рэкалекцыі Алены і Франца Доўнараў.
2. Святкаванне 10-ці годзя руху. Пастанавілі.
а) Святкаванне адбудзецца 9 жніўня ў Негарэлым.
б) Звярнуцца да сямей за дапамогай у правядзенні нашых урачыстасцей. (Размяшчэнне гасцей, матэрыяльная дапамога).
в) Кожнаму рэгіёну (Ганцавічы, Нясвіж, Лагойск, Геранёны, Негарэлае, Баранавічы, Мінск) зрабіць плакаты з гісторыяй руху за 10 гадоў, таксама сабраць увесь магчымы матэрыял для прэзентацыі руху (фота, запісаць інтэрвью і інш.).
г) Правесці творчы конкурс для дзяцей руху з нагоды святкавання юбілею.
На прыканцы ўзгадаем словы айца Каффарэля: "Рух END - рух актыўных людзей!" 10-ці годзе руху - гэта свята кожнага з нас! Давайце правядзем яго адмыслова. На хвалу нашага Пана!
