26 студзеня адбылася, ўжо можна сказаць чарговая, сустэча сямей у касцёле на кальварыйскіх могілках. Дзякуючы Божаму Провіду і намаганням ксяндза Андрэя Сіповіча ў Мінску паўстае новая суполка END. У снежні на сустрэчы з сем'ямі прысутнічалі Валянціна і Уладзімр Паплёўкі, якія зазначылі, што пазнаёміліся з цудоўнымі людзьмі шукаючымі Бога ў сваім жыцці. На сённяшнім спатканні былі мы - Таццяна і Мікалай Меляшкевічы, і сапраўды мы пазнаёміліся са шчырымі, ветлівымі парамі якія добра сябруюць з Езусам і жадаюць узмацняць гэтае сяброўства.
Сустрэча прайшла ў цёплай, сяброўскай атмасферы - папілі гарбаткі, пазнаёміліся, паразмаўлялі. Сем'і пачулі аповед пра наш рух, яго абавязкі і яго плён. Па выніку сустрэчы новыя пары выразілі жаданне паспрабаваць сябе ў руху, і атрымаўшы ўсю неабходную інфармацыю і матэрыялы назначылі наступнае спатканне на люты.
Хвала Пану!
Таццяна і Мікалай Меляшкевічы
