27 студзеня адбылося чарговае спатканне суполкі з Негарэлага. Спатканне прайшло пад дэвізам "Вы сябры Мае, калі спаўняеце тое, што Я запаведаў вам (Ян 15;14)" , менавіта гэты ўрывак прыпаў для ўзмацнення ў Слове Божым на гэтае спатканне, і ім пранікнулася ўся сустрэча. Актыўна абмяркоўвалася тэма неабходнасці апостальства, і годнага хрысціянскага прыклада жыцця, шчырага спаўнення Божых наказаў і імкнення да Святасці. Так, менавіта да Святасці, бо так заклікае наш Бог.
Вельмі ўзмацняючымі былі слова кс. Дзяніса, што асноўная і адзіная мэта нашага жыцця гэта ПРАСЛАЎЛЕННЕ БОГА, а калі гэта не спаўняецца, то ўсё іншае не мае сэнсу.
І падсумоўваючы спатканне ўсе адзначылі, што мы маем вялікі прывілей называцца ХРЫСЦІЯНАМІ, КАТОЛІКАМІ, састаяць у руху END, але і вялікую адказнасць - каб СЛАВА ПАНА БОГА распаўсюджвалася па ўсей зямлі. Таццяна і Мікалай Меляшкевіч
