16 чэрвеня ў Нясвіжы, ў парафіі Божага Цела, адбыўся Дзень сектара руху Equipes Notre-Dame, у якім прынялі ўдзел сем'і руху з розных куткоў Беларусі. Сем'і якія прагнуць славіць Пана Бога сваім жыццём.
Распачаўся Дзень сектара Святой Імшой з непасрэдным удзелам сямей руху. Потым духоўны дарадчык руху кс. Андрэй Сіповіч правёў вельмі змястоўную канферэнцыю на тэму сямейнага жыцця. Затым са справаздачай за мінулы год выступілі Андрэй і Людміла Шкрабы - адказная пара сектара.
Пасля афіцыйнай часткі, адбыўся сумесны абед, які прыгатавалі ў Польскім Доме. Гэта быў час паразмаўляць з сябрамі, з якімі даўно не бачыліся, з'есці смачных каўбасак, дзецям пагуляць - адным словам цудоўна правесці дзень з Пана Богам.
Потым атрымаўшы благаслаўленне ў дарогу, усе напоўненыя пазітыўнымі эмоцыямі рушылі да сваіх дамоў.
Хвала Пану!
