Суполка – гэта трывалы арганізм. Мае свае межы і пэўную закрытасць, каб унутры яе стваралася атмасфера даверу. Гэта вельмі важна для дзялення – каб адкрыць сваё сэрца і свабодна дзяліцца сабой з братамі і сёстрамі ў Хрысце.
Але не менш важна, каб суполка не заставалася ў ізаляцыі. Інтэграцыйныя сустрэчы – гэта добрая нагода, каб пазнаёміцца з удзельнікамі іншых суполак, пасябраваць і проста добра правесці час у супольнасці хрысціянскіх сямей.
У Паўночным сектары 7 лістапада адбыўся Пікнік!
Самі удзельнікі распавядаюць аб гэтым:
“Пікнік Паўночнага сектара — гэта было нешта асаблівае!
Сем’і сабраліся разам, каб правесці час у цеплыні, радасці і супольнасці. Мы не проста адпачывалі — мы знаёміліся, смяяліся, бегалі, думалі і маліліся.
Пачалося ўсё з абеду, дзе кожная сям’я магла пазнаёміцца і праявіць фантазію — адгадваючы фразеалагізмы па малюнках.
Потым актыўны час на вуліцы — спартакіяда! Каманды беглі да перамогі, падтрымлівалі адзін аднаго, а пары спрабавалі зразумець гукі жывёл без слоў. Гэта было весела і вельмі камандна!
Пакуль падлічвалі вынікі, мы рабілі смешлівыя фотаздымкі, а потым мелі агульную гульню на завяршэнне праграмы на вуліцы.
Супольная гарбата ў доме стала працягам душэўнага часу.
Гульня «Дапоўні» па біблійных фразах была не толькі забавай, але і евангелізацыяй — мы пашыралі веды і натхняліся Божым словам. А тэатральная пастаноўка, у якой удзельнічалі ўсе жадаючыя, паказала, як багата фантазіі і творчасці ў нашай супольнасці!
Дзеці ўвесь час былі занятыя з аніматарам і мелі сваю насычаную праграму.
І, канешне, завяршылі мы ўсё супольнай малітвай падзякі і благаслаўленнем.
Гэта быў дзень, які хочацца паўтараць!”
14 лістапада сем'і Паўночнага Сектара разам з духоўнымі дарадчыкамі, а. Віталіем і а. Яўгенам, наведалі Рэспубліканскі тэатр беларускай драматургіі.
У Цэнральным сектары 22 лістапада сем’і Руху святкавалі Анрэйкі!
Пачалі з гульні ў боулінг. 2 гадзіны праляцелі незаўважна. Азарт, смех, воклічы радасці суправаджалі гэты час. Хто не гуляў, мог правесці час ў прыемных размовах. Дзеці таксама мелі сваю праграму ў забаўляльным цэнтры.
Задаволеныя вынікамі (альбо не) сужэнцы перайшлі на працяг праграмы ў кафэ, дзе іх чакалі цікавыя конкурсы і заданні. Вельмі творча падышлі да падрыхтоўкі праграмы сужэнцы Гаўрылкевіч – Міхаіл і Настасся. Атрымалася весела і пазнавальна.
Пара сектара, сужэнства Чаган Павел і Людміла, падрыхтавалі падарункі. Не толькі пераможцам гульні у боулінг, але вельмі сэнсоўныя – заданні на Адвэнт. І для бацькоў, і для дзяцей.
На сустрэчы былі таксама сем’і з пілатуемых суполак. Вось водгук адной з іх:
“Гэта быў час не толькі знаёмстваў і прыемных гадзін у цудоўнай кампаніі, гэты вечар застанецца з намі назаўжды. Вялікі дзякуй ініцыятарам і арганізатарам сустрэчы.
Было вельмі крута, насычана і цікава прыняць удзел у падрыхтаванай праграме. Спадабалася і бацькам, і дзецям!
Асобны дзякуй за цудоўныя і вельмі важныя, значныя падарункі. З вашай дапамогай мы будзем глыбей перажываць перыяд Адвэнту. Няхай Добры Бог благаславіць кожнага! Мы рады быць часткай вялікай сям'і END!”
Хвала Пану!
