Суполка бл. Мечыслава Багаткевiча
Суполка бл. Мечыслава Багаткевіча досыць маладая: 11 чэрвеня 2024 года сужэнствы адзначылi гадавiну прыняцця Карты руху END. Да гэтай суполкi спачатку належалi: Юзаф і Таццяна Цынкелі, Васілій Цімашчук і Галіна Руткоўская, Аляксандр і Жанна Мінько, Вадзім і Ірына Валошыны.
Да прыняцця Карты рыхтавалicя больш за пяць гадоў. Знаёмства з Рухам распачалося у́ лістападзе 2017 года, калi пробашчам Пiнскай катэдры стаў кс. Павел Врубель. Кс. Павел пачаў запрашаць сужонкаў на сустрэчы ў парафіяльны дом, дзе знаёміў з рухам END. Прыходзілі пары, але часцей за ўсё толькі адзін раз, рэгулярна наведвалі сустрэчы дзве - тры сям'і. А пасля пачалася пандэмія, толькі тры сям'і сустракаліся штомесяц, з часам страх прайшоў, і на сустрэчах ужо было чатыры сям'і. Так паступова прыйшло рашэнне прыняць Карту руху. З назвай суполкi не адразу вызначылiся, на дапамогу прыйшоу́ духоўны дарадчык, ксёндз Павел, прапанаваў абраць апекуном нашай суполкi бл. Мечыслава Багаткевіча. Калiсьцi Мечыслау́ Багаткевiч вучыўся ў Пінскай вышэйшай духоўнай семінарыі і служыў прэфектам школ у Лунінцы. Дарэчы, успамін бл. Мечыслава Багаткевіча прыпадае на 12 чэрвеня, а Карту мы прынялі напярэдадні. У Пiнскай Катэдры ёсць абраз з выявай нашага апекуна. Мечыслаў Багаткевіч уваходзіць у лік 108 благаслаўлёных пакутнікаў, беатыфікаваных Папам Янам Паўлам II 13 чэрвеня 1999 года ў Варшаве.
У гэтым годзе да нашай суполкi далучылася яшчэ адна сужэнская пара - Мікалай і Таццяна Юшкевічы. 19 мая 2024 года яны прынялi Карту. Мы цешымся, што наша суполка памаладзела: раней наш узрост быў 60+, а цяпер - меншы. Нам вельмі прыемна сустракацца, мы адчуваем духоўную еднасць, падтрымліваем адзін аднаго малітвай. Ва ўсіх касцёльных справах імкнёмся дапамагчы нашаму духоўнаму дарадчыку, таму што толькі дзякуючы яго цярпенню і старанню ўзнікла наша суполка. Хвала Пану!
Галiна Руткоўская
Больш даведацца пра кожнае сужэнства з гэтай суполкi можна будзе ў наступных артыкулах.
