7 лiстапада 2022 года ў Барысаве адбыўся доўгачаканы Сямейны пiкнiк Паўночнага Сектара Руху END. Каб правесці час разам прыехалі 20 сем’яў з Мінска, Лагойска, Негарэлага і Барысава. Прысутнічалі таксама духоўныя дарадчыкі – кс. Алег Шпець SChr i кс. Павел Падмышанін MIC.
Клопат аб правядзеннi пiкнiку ўзяла на сябе барысаўская суполка імя св. Станіслава Папчынскага, сем'i якой у гэтым годзе прынялi Карту END. Вельмi ўразiла гасцiннасць i адкрытасць сям'i Андрэя i Галiны Ермачонак. Запомнiлiся ўсім прысутным i сумесны абед, які суполка гатавала разам ад самай раніцы, а асаблiва шашлыкi ад пана Станiслава.
Гэта быў незабыўны час, праведзены сумесна з аднадумцамi, з сужэнствамі, блiзкiмi па духу. Забавы падрыхтавалі Валерый i Алена Шымак. Сем'i паўдзельнiчалi ў паэтычным конкурсе, рухомай гульні i, безумоўна, праславiлi Бога ў песнях i танцах. Дзецi з вялiкiм задавальненнем танцавалi i гулялi разам з бацькамi.
Праз такiя сустрэчы мы ў чарговы раз бачым прысутнасць Хрыста сярод нас i ўсведамляем, як гэта радасна, важна i карысна праводзiць час сярод хрысцiянскiх сем’яў i, перш за усё, быць такой сям'ёй. Дзякуем Богу за гэта! Будзем з радасцю чакаць наступнай сустрэчы!
Хвала Пану!
Тэкст – Кацярына Ваяводская
Фота – Багдан Сырыца.
Каб паглядзець фатаграфіі ў добрай якасці перайдзице па спасылцы: Фатаграфіі ў добрай якасці
