У кастрычніку адбыліся рэкалекцыі для сем’яў Руху Equipes Notre-Dame (Суполкі Маці Божай). Удзельнікамі рэкалекцыі былі пары з Мінска, Барысава, Ганцавіч і з Негарэлага.
Дзеліцца сваімі ўражаннямі адна з ўдзельніц.
“Хвала Хрысту!
Вярталіся сёння з рэкалекцый, дзяліліся сваімі ўражаннямі і прыйшла такая думка: які ж гэта благаслаўлёны час для нашых сямей - час рэкалекцый!
Час паяднання з Богам праз малітву, Імшу, усяночную Адарацыю, споведзь, канферэнцыі, праз дзяленне сведчаннямі і проста сяброўскую гутарку за кубачкам кавы ці сняданнем!
Гэтыя рэкалекцыі былі амаль што самымі шматлікімі: 20 сямей + дзеткі рознага ўзросту! Але ўсё было так добра арганізавана, што ніякіх перашкод не было, каб засяродзіцца, памаліцца ці паразважаць. За што вялікі дзякуй арганізатарам і аніматарам!
Асабліва хочацца падзякаваць кс. Алегу за казанні на Імшы і глыбокія канферэнцыі, на якіх мы атрымалі адказы на ўсе свае пытанні наконт малітвы! Асабліва ўразіла канферэнцыя пра малітву невыслуханую...
Дзякуем усім прысутным сем'ям за вечар СВЕДЧАННЯЎ! Вельмі моцныя адчуванні засталіся ў душы пасля дзялення: Бог ЗАЎСЁДЫ з намі, чуе нас, дапамагае нам у штодзённым жыцці! А яшчэ захацелася ў Меджугор'е! :)
Ведаеце: трэба знаходзіць час, каб прысвяціць яго такім духоўным практыкаванням! Дадому вяртаешся адноўленым, напоўненым Божым супакоем, якім хочацца дзяліцца!!! Хвала Пану за гэты час! ”
Наталья Бобка
Каб паглядзець фатаграфіі ў добрай якасці перайдзице па спасылцы: Фатаграфіі ў добрай якасці
