Ілля і Алена

МЫ ПАЗНАЁМІЛІСЯ з дапамогай сайта знаёмстваў у Інтэрнэце. Спачатку была перапіска, потым доўгія тэлефонныя размовы, першая сустрэча. Праз некаторы час я, Алена, прывяла Іллю ў Касцёл. Яму, з праваслаўнай сям'і, спачатку было вельмі цяжка. Мы пачалі разам маліцца, разам хадзіць у касцёл.

І ЎЖО ПРАЗ год МЫ ЗРАЗУМЕЛІ, што хочам пражыць разам усё жыццё.

І 26 ліпеня 2008 года УЗЯЛІ ШЛЮБ у парафіі Адведзінаў Насвяцейшай Панны Марыі ў Ганцавічах. Праз месяц пасля шлюбу мы прынялі ўдзел у пешым паломніцтве ў Лагішын, дзе прасілі ў Маці Божай Лагішынскай апекі і Божага благаслаўлення.

РАЗАМ МЫ ЎЖО 6 год.

А САМЫМ ЦУДОЎНЫМ МОМАНТАМ НАШАГА СУМЕСНАГА ЖЫЦЦЯ стала нараджэнне нашых дзетак Канстанціна і яшчэ зусім маленькай Ганны.

ДА СУПОЛКІ EQUIPES NOTRE-DAME МЫ ДАЛУЧЫЛІСЯ адразу пасля шлюбу дзякуючы ксяндзу Алегу Шпецю.

І СЁННЯ МЫ МОЖАМ ЗАСВЕДЧЫЦЬ, што дзякуючы суполцы нашае жыццё змянілася. Мы вучымся жыць па Божых законах, чытаць Біблію і разам маліцца. Вельмі рады таму, што ў нас ёсць магчымасць крочыць па жыццёвай дарозе разам з Богам.

ІНШЫМ СЕМ'ЯМ НАШАЙ СУПОЛКІ МЫ ЖАДАЕМ Божага благаслаўлення і ўсіх патрэбных ласкаў!

Хвала Пану!