17 верасня адбылася сустрэча Экiпы Паўднёвага Сектара, на якой прысутнічалі адказныя і сувязныя пары, пара Сектара Iгар i Святлана Каржак, а таксама духоўны дарадчык сектара  кс. Пётр Шарко.

10 верасня ў Лагойску адбылася вельмі важная падзея для Руху Equipes Notre-Dame - нарадзілася новая суполка.

Тры пары – Загорскія Андрэй і Вольга, Наўроцкія Уладзімір і Настасся, Яцкевіч Віталій і Алена– прынялі Карту Суполак Маці Божай, а сужэнцы Бекіш Андрэй і Таццяна абнавілі прыняцце Карты.

У нядзелю 27 жніўня 2023 адбыўся Калегіум Рэгіёну.

Пачалася сустрэча з удзелу ў сумеснай Святой Імшы.  Злучыўшыся духоўна і падсілкаваўшыся сумесным абедам у сяброўскай абстаноўцы Пары Сектараў: Шымак Валерый і Алена і Каржак Ігар і Святлана падзяліліся радасцямі і складанасцямі жыцця Экіп і Сектараў на сённяшні дзень. Сужэнства Маісеевых Віталь і Ганна інфарміравалі аб сітуацыі з рэкалекцыямі ў Рэгіёне, а Яўген і Кацярына Мацюшчанка – аб інфармацыйным суправаджэнні нашага жыцця.

Пара Рэгіёну Манчынскія Генадзь і Алена і святар-духоўны дарадчык Экіпы Рэгіёну айцец Андрэй Лысы прапанавалі некалькі мерапрыемстваў, накіраваных на забеспячэнне жыцця Рэгіёну ў адпаведнасці з харызматам Руху.

Удзельнікі сустрэчы выказалі ідэі аб развіцці жыцця і дзейнасці Рэгіёну, саставілі план асноўных мерапрыемстваў на новы фармацыйны год.

Хвала Пану!