Ехалі на рэкалекцыі, бо заўсёды рады дапамагчы святару, каб адпачыць і добра правесці час. Але атрымалі намнога больш! Знаёмства з цудоўнымі шчырымі сем’ямі, цікавыя тэмы і заданні, танцы “да сёмага поту”, спевы, шчаслівыя твары, жывыя свядэцтвы сямей і, канешне, Святая Імша, дзе было прыгожае аднаўленне шлюбу (жанчыны ў прыгожых сукенках, а мужчыны з чырвонымі гладыёлусамі ў руках). Уразіла свядэцтва Ганны і кс. Адама, моцная малітва да Святога Духа і благаслаўлення сямей!!! Мы яшчэ больш зразумелі, як важна прабачаць і размаўляць у сям’і, зразумелі, як моцна кахаем адзін аднаго.

Дзякуем Богу за такую магчымасць, дзякум ініцыятарам: кс. Дзянісу, кс. Адаму, кс. Сяргею, Ганне, Ірыне і Пятру, усім сем’ям за цёплую і сяброўскую атмасферу. Можам шчыра казаць, што варта быць на такіх рэкалекцыях і розных хрысціянскіх сустрэчах. Рабіце ўсё магчымае і не шкадуйце часу! (шкадуем толькі аб адным – мы самі мала запрасілі сямей, трэба больш тэлефанаваць, размаўляць, каб і іншыя атрымалі гэтыя ласкі).

ФОТА З МЕРАПРЫЕМСТВА МОЖНА ПРАГЛЯДЗЕЦЬ ТУТ.

Падрыхтоўка да жнiвеньскiх рэкалекцый працягваецца. Вельмi просiм падаць iнфармацыю наконт удзелу да 10 жнiўня. Сардэчна запрашаем сем' i, якiя ў гэтым годзе яшчэ не адчулi радасцi і натхнення духоўных практыкаванняў.

Сення зноў ж прапануем вам праглядзець вiдэаролiк, якi, маем надзею, дапаможа настроiцца на час рэкалекцый. Хвала Пану!

Праглядзець відэаролік можна ТУТ!

Калі вы апошні раз танцавалі так, каб другое дыханне адкрывалася?!

Не памятаеце?! Дык паехалі з намі ў суботу на танцы ва Узду!
Проста ў добрай сяброўскай атмасферы правесці вечар!

П. С. Кс. Дзяніс упэўнены, што польку яго ніхто не пераскача:))) Паглядзім:))))

А  як танчыў кс. Дзяніс на святкаванні 10-годдзя ЭНД на Беларусі можна паглядзець ТУТ.

А тым часам праграма сямейных рэкалекцый, якія пройдуць 19-21 жніўня ў Баранавічах, ужо па-троху набірае глыбіню.

У нядзелю абмеркавалі план рэкалекцый для сужонцаў з сям'ёй Меляшкевіч, а ўжо сёння сям'я Шымак прадставіла першыя замалёўкі праграмы для дзяцей.

Шчыра кажучы, рэкалекцыі з асобнай праграмай для дзяцей для усіх нас эксперымент. Але маем надзею, што усё атрымацца, і гэты час стане не толькі добрым адпачынкам, але і моцным натхненнем рабіць дабро не толькі тым, хто нам падабаецца.

Запісацца на рэкалекцыі можна вось ТУТ , a зараз прапануем праглядзець відэа UNICEF і паспрабаваць шчыра адказаць на галоўнае пытанне гэтага эксперыменту...

Відэа можна праглядзець ТУТ.

ЗАПІСАЦЦА НА РЭКАЛЕКЦЫІ МОЖНА ТУТ.