Шчыра віншуем сем'і Equipes Notre-Dame з Негарэльскай суполкі і духоўнага дарадчыка кс. Дзяніса Шэстаковіча з такой значнай падзеяй - пасведчаннем касцела!
У Негарэлым Бог жыве!

РЭПАРТАЖ З УРАЧЫСТАСЦІ МОЖНА ПРАГЛЯДЗЕЦЬ ТУТ.

А ведаеце сустрэча з якім святаром чакае нас на рэкалекцыях у Баранавічах?
А чакае нас сустрэча з добрым сябрам руха Equipes Notre-Dame - некалі духоўным дарадчыкам суполкі ў Гераненах, а зараз рэктарам семінарыі ў Польшчы - кс. Андрэям Лысым! Хвала Пану!

Сябры! Яшчэ да рэкалекцый трошкі больш за тыдзень, але ўжо пачынаем збіраць свае валіскі!
Сення хочам падзяліцца гісторыяй таго, як з'явілася назва рэкалекцый.
Агульную тэму неяк вызначылі, а вось адпаведную назву знайсці ніяк не маглі. І вось наблізіўся час ужо пісаць прыкладны план рэкалекцый. У галаве ні адзіннай думкі, а на стале Дзеннік Св. Фаусціны. Па-просту адкрываем кнігу па сярэдзіне, а там... Адпачні каля Майго сэрца... І лепшай назвы для рэкалекцый, напэўна, і не знайсці! Хвала Пану!

Дарагія сем'і, вельмі просім вас узяць з сабою на рэкалекцыі Біблію і Дзеннік Божай Міласэрнасці! Дзякуем! Да хуткай сустрэчы!

Ехалі на рэкалекцыі, бо заўсёды рады дапамагчы святару, каб адпачыць і добра правесці час. Але атрымалі намнога больш! Знаёмства з цудоўнымі шчырымі сем’ямі, цікавыя тэмы і заданні, танцы “да сёмага поту”, спевы, шчаслівыя твары, жывыя свядэцтвы сямей і, канешне, Святая Імша, дзе было прыгожае аднаўленне шлюбу (жанчыны ў прыгожых сукенках, а мужчыны з чырвонымі гладыёлусамі ў руках). Уразіла свядэцтва Ганны і кс. Адама, моцная малітва да Святога Духа і благаслаўлення сямей!!! Мы яшчэ больш зразумелі, як важна прабачаць і размаўляць у сям’і, зразумелі, як моцна кахаем адзін аднаго.

Дзякуем Богу за такую магчымасць, дзякум ініцыятарам: кс. Дзянісу, кс. Адаму, кс. Сяргею, Ганне, Ірыне і Пятру, усім сем’ям за цёплую і сяброўскую атмасферу. Можам шчыра казаць, што варта быць на такіх рэкалекцыях і розных хрысціянскіх сустрэчах. Рабіце ўсё магчымае і не шкадуйце часу! (шкадуем толькі аб адным – мы самі мала запрасілі сямей, трэба больш тэлефанаваць, размаўляць, каб і іншыя атрымалі гэтыя ласкі).

ФОТА З МЕРАПРЫЕМСТВА МОЖНА ПРАГЛЯДЗЕЦЬ ТУТ.

Падрыхтоўка да жнiвеньскiх рэкалекцый працягваецца. Вельмi просiм падаць iнфармацыю наконт удзелу да 10 жнiўня. Сардэчна запрашаем сем' i, якiя ў гэтым годзе яшчэ не адчулi радасцi і натхнення духоўных практыкаванняў.

Сення зноў ж прапануем вам праглядзець вiдэаролiк, якi, маем надзею, дапаможа настроiцца на час рэкалекцый. Хвала Пану!

Праглядзець відэаролік можна ТУТ!