13 чэрвеня адбылася чарговая маштабная сустрэча ўдзельнікаў руху — Дзень Цэнтральнага Сектара. Парафія св. Казіміра ў аграгарадку Уселюб гасцінна прыняла крыху больш за 100 чалавек. Гэтае падарожжа стала для каталіцкіх сужэнстваў не проста сустрэчай, а сапраўднай духоўнай пілігрымкай у месца з асаблівай гісторыяй, Божай атмасферай і глыбокай супольнай малітвай.
Пад час рэгістрацыі ля сцен самага старадаўняга касцёла у́ Беларусі гасцей цёпла вітала адказная пара Цэнтральнага Сектара — Людміла і Павел Чаган. Духоўная праграма распачалася з супольнай малітвы на Святым Ружанцы перад фігурай Маці Божай Новага Жыцця. Сем'i даручылi Нябеснай Матулi у́се свае штодзённыя клопаты і надзеі.
Цэнтральнай і самай урачыстай часткай сустрэчы стала Святая Імша, якую цэлебраваў ксёндз Алег Шпець. Падчас гаміліі святар звярнуўся да вернікаў з глыбокім словам, прысвечаным урачыстасці Найсвяцейшага Сэрца Езуса. Вельмі прыгожай і кранальнай была працэсія з дарамі, якую падрыхтавалi Ганна i Раман Рамановічы.
Пасля Імшы для ўдзельнікаў была арганізавана пазнавальная экскурсія па старадаўнім касцёле, падчас якой госці дакрануліся да багатай гісторыі храма, а затым усіх чакаў смачны і сытны супольны абед.
Працягам духоўнага ўзрастання стала канферэнцыя, якую правёў пробашч Уселюбскай парафіі ксёндз Віталій Цыбульскі. Святар прапанаваў усім сужэнствам глыбей угледзецца ў Сэрца Езуса, вучыцца у́ Яго сапраўднай, міласэрнай і ахвярнай любові. Асаблівую цікавасць выклікалі інтэрактыўныя заданні для мужоў і жонак, якія дапамаглі парам адкрыцца на новы дыялог і стаць яшчэ бліжэй адзін да аднаго.
Другая палова дня была прысвечана карыснаму і актыўнаму адпачынку. Сапраўдным упрыгожваннем свята стаў майстар-клас па выпечцы хлеба на заквасцы. Прысутных пазнаёмілі з багатай гісторыяй хлебапячэння, рознымі відамі мукі і сакрэтамі догляду за закваскай. Прыемным бонусам стала тое, што кожны ўдзельнік змог узяць закваску з сабой дадому, каб парадаваць блізкіх карысным хатнім хлебам. Адначасова на тэрыторыі ля касцёла праходзіў "гарачы і вясёлы" футбольны матч, які аб'яднаў аматараў актыўнага спорту.
Завяршэннем гэтага дня стала душэўнае чаяпіцце з хатнімі пірагамі, дзе ўдзельнікі дзяліліся ўражаннямі. На развітанне кожная сям'я атрымала сімвалічныя падарункі. Спадзяемся, што Дзень Цэнтральнага Сектара ва Уселюбе пакінуў у сэрцах удзельнікаў глыбокі след, натхняючы быць удзячнымi Богу за кожны момант жыцця, а у́ складаных жыццёвых сiтуaцыях не у́падаць у адчай, давяраць Богу, прасiць у Яго падтрымкi i дапамогi простымi словамi: “Сэрца Езуса, дапамажы”.
Максiм i Алiна Угорыч
Каб паглядзець фатаграфіі ў добрай якасці перайдзице па спасылкам:
А таксама Вiдэа
