13 красавіка ў Нясвіжы адбылося пахаванне Наталлі Ляшковіч.

Наталля і Павел Ляшковіч - гэта першая адказная пара за рух ЭНД на Беларусі. Яны былі адным з першых сужэнстваў, якія неслі ахвярнае служэнне Богу ў развіцці руху ў нашай краіне.
Менавіта, дзякуючы супрацоўніцтву Наталлі і Паўла з кс. Эрвінам, былі створаны першыя суполкі Маці Божай, многія з якіх існуюць і дагэтуль.

Наталля і Павел Ляшковіч - гэта прыклад. Асабліва пад час закладання новых суполак, прэзентацый, пілатавання. Яны не шкадавалі на гэта служэнне ні часу, ні намаганняў. Ехалі, сустракаліся з новымі сем'ямі, расказвалі пра рух...
Дзякуем за гэта служэнне. Дзякуем за прыклад адвагі. Дзякуем, што сення можам быць таксама часткай гэтага руху.

Дарагі Павел, калі Вы прачытаеце гэты запіс, то хочам выказаць Вам ад усіх сямей суполак Маці Божай свае спачуванні і словы падзякі . Абяцаем Вам сваю малітву.

Хвала Пану!

Пад час Сустрэчы Экіпы Сектара нашы госці, сужэнствы з Польшчы, таксама запрасілі усе сем'і з Беларусі прыняць удзел у пілігрымцы ЭНД, якая ў гэтым годзе пройдзе ў польскім горадзе Ломжа.

Запланавана пілігрымка на 7 чэрвеня. Традыцыйна сем'ям, якія прыедуць з іншых краін, польскія сужэнствы падрыхтуюць начлег.
Кася і Марэк Рымшы прасілі аб тым, каб мы падалі інфармацыю наконт колькасці ўдзельнікаў сустрэчы з Беларусі да 31 красавіка, таму просім нам напісаць у асабістыя тых, хто хоча паехаць. Дзякуем! Хвала Пану!

30 сакавіка ў Мінску адбылася апошняя сустрэча Экіпы Сектара Беларусь.
На сустрэчы у Мінску прысутнічалі сужэнствы з польшчы: адказная пара за Рэгіен Варшава.Мазавецкі - Касяі Марэк Рымшы, а таксама адказная пара за Супер-Рэгіен Еўропа-Цэнтральная - Хелена і Павел Кукуловіч. Другая частка сустрэчы складалася з 2 канферэнцый, прысвечаных тэмам заснаванння Рэгіену на Беларусі.
Важным момантам сустрэчы стала аб'яўленне імен сужэнстваў, якія з 7 верасня 2019 года распачнуць служэнне адказных пар Рэгіену Беларусь, які будзе складацца з 2 Сектараў: Пауночнага і Паўдневага. Сення мы хочам падзяліцца гэтымі іменамі з усімі вамі:

Пара, адказная за Паўдневы Сектар - Наталля і Сяргей БОБКА
Пара, адказная за Паўночны Сектар - Алена і Генадзь МАНЧЫНСКІЯ
Пара, адказная за Рэгіен Беларусь - Аліна і Максім УГОРЫЧ

У бліжэйшы час мы размесцім на сайце склад будучых Сектараў, які быў пацвержаны пад час сустрэчы.

Хвала Хрысту!
Сёння ў 21:00 адбудзецца тэрміновы нечарговы сямейны вяночак!!!
Форма: стандартны вяночак да Божай Міласэрнасці.
Інтэнцыя: Аб Божай міласэрнасці і прабачэнні за ўчыненае і дапушчанае святатацтва над крыжамі ў Курапатах. А таксама аб мудрым вырашэнні складанай сітуацыі.
Запрашаем усе сем'і да супольнай малітвы.
"... калі двое з вас на зямлі згодна папрасілі б аб чым-небудзь, то станецца ім ад Айца Майго, які ў нябёсах". (Мц 18, 19)