27 кастрычнiка 2024 г. рух сужэнскай духоу́насцi Equipes Notre-Dame  папоу́нiу́ся новай сям"ёй. Дабаровiч Дзмiтрый i Каралiна афiцыйна, на Святой Iмшы у́ парафii Беззаганнага Зачацця Найсвяцейшай Панны Марыi, прысвяцiлi сваю сям'ю Найсвяцейшаму сэрцу Езуса, прыняу́шы Евангелле за Канстытуцыю сваёй сям'i.

Цудоўным сямейным уiк-эндам 18-20 кастрычнiка скончылiся рэкалекцыi Руху END 2024 года. Гэта быў апошнi трэцi тур рэкалекцый на тэму "Эўхарыстыя ў сужэнскім жыцці". 18 сямей з розным вопытам сумеснага жыцця прыехалi ў г. Баранавiчы, каб духоўна перазагрузiцца i напоўнiцца. Адзiн з удзельнiкаў рэкалекцый ахарактарызавау́ сустрэчу так: "гэта быў сплаў маладосцi i вопыту». Сужэнствы вельмi ўдзячны кс. Юрыю Пракапюку i с. Паўле Бобeр MSF за глыбокiя канфeрэнцыi, чулыя парады, гумар, а сем'ям – за адкрытасць i шчырасць.

Любыя ЭНДаўцы, шаноўныя духоўныя дарадчыкі!

Перад намі важная падзея ў жыцці Паўсюднага Касцёла — Юбілейны 2025 год хрысціянства. Папа Францішак зацвердзіў дэвіз Юбілею — «Пілігрымы надзеі», а мітрапаліт Мінска-Манілёўскі Юзаф Станеўскі ў сваім пасланні прадставіў духоўную праграму для Беларусі — «Прысвячэнне Божай Міласэрнасці і Беззаганнаму Сэрцу Марыі». Між іншым ён напісаў: «Шчыра запрашаю і заахвочваю манаскія, рэлігійныя супольнасці і рухі, любую моладзь і ўсіх вернікаў да гэтай малітоўнай акцыі, падчас якой будзем дзякаваць за 2025 гадоў хрысціянства і перапрашаць Бога за грахі свету. Праз набажэнства да Божай Міласэрнасці будзем выпрошваць у Міласэрнага Бога літасці для свету і нашай краіны, для ўсіх нас, нашых сем’яў і супольнасцяў, будзем прасіць аб спакоі ў свеце, давяраючы Яму лёс свету і лёс кожнага чалавека. Будзем прасіць Міласэрнага Езуса, каб схіліўся над намі, грэшнымі, вылечыў нашую слабасць, знішчыў усялякае зло і дазволіў усім жыхарам зямлі спазнаць Яго міласэрнасць, каб у Табе, Трыадзіны Божа, яны заўсёды знаходзілі крыніцу надзеі».

7 верасня 2024 года  рух сужэнскай духоўнасцi (Equipes Notre-Dame) на Беларусі адзначыў свой 20-гадовы юбілей!